''°o.O......مصييييييييييبة...... O.o°''

مررررررخبا..

كيفكم؟..وكيفو رمضان معكم؟..

بس ما تكونو عم تتفرجو عباب الحارة.. >>عأساس انا ماعم اتفرج..



اليوم موضوعي فريششششش..يعني طازة..

ما صرلو بالأصل غير من امبارح العصر..

يلا نفوت فيه..بعرفكم ما بتحبو الحكي الزايد..



هادا يا سادة يا كرام..امبارح كان يوم عادي..

فطرنا..صلينا التراويح..وخلصنا أمورنا..

بعدها قررت ماما تاخد اخواتي الصغار(أختي+أخوي) وتروح عالسوق..مشان لوازم.(المدرسة)..لأنو قرررررررربت..

وبعد شي ساعتين رجعو عالبيت وهون بلشت القصة..

أختي الصغيرة..ما بعرف شو صرلها..

ما سمعتها غير وهي عم تقول:

أنا غلطت..أنا غلطت..

وتصرخ وتقول هادا أكبر غلط بحياتييييييييي.. >>لسا يا دوب 11 سنة..

أنا قول:

شو في؟؟..شو صاير؟؟..

وهي تقول:

ياريت لو الزمن يرجعععععععع..

أنا قول:

لك شو اللي صار؟؟..خبريني؟؟..

وهي تقول:

غلطت غلطة كبيييييييييييييرة..



هون انا خفت..

ليكون صاير معها شي لا سمح الله..

وما عرفت، قول لماما ولا لأ؟؟!!..قلت لازم افهم بالاول شو صاير معها..

حطيت أختي بالغرفة..وقعدت معها..

وقلتلها:

حبيتي..روقي ولا تبكي..

احكيلي بشو غلطتي؟؟..{..آيقونآت بمعآنيهآ ..!!

قالتلي:

ما بقدر ما بقدر..

لا تزكريني..



أنا هون فتت بالحيط..وصرت احكي مع حالي..ياربي شو صاير معها..

بعدين قلت رح خوفها ب (بابا) بلكي بتحكي..

قلتلها:بدك تحكي شو صاير ولا قول لبابا هلأ..

قالتلي:قليلو..أصلا ما عادت تفرق..

(لهالدرجة!)

قلتلها:قليلي..حدا حكا معك شي لما كنتي بالسوق؟؟..حدا قرب عليكي شي؟؟..

قالتلي:لأ..لأ..أكبر من هيك بكتييييير..

بلعت ريقي..وقلت ياربي ساعدني وصبرني لأعرف شو فيها أختي..{..آيقونآت بمعآنيهآ ..!!

قلتلها بحزم واصرار وعصبية زايدة عن اللزوم هالمرة..هلأ بدك تقولي شبك..

قالتلي:

اشتريت الشنتاية(الحقيبة المدرسية)الغللللللللللللللللللللللللللللللط..

كان لازم جيب الصغيرة..



أنا:





قلولي..هالبنت شو لازم ينعمل فيها؟؟..

انا حتى يمكن شلقتها على شغلات ما لازمة..